Diario Vasco

Herri-jantziaren begirada berezia Echagüe eta Balenciagaren eskutik

Herri-jantziak. Orioko arraunlarien argazkia eta Balenciagak sorturiko poloak ikus daitezke.
Herri-jantziak. Orioko arraunlarien argazkia eta Balenciagak sorturiko poloak ikus daitezke. / AMAXKAR
  • Bi izen propio eta bi ikuspegi ezberdin gai berdinaren inguruan, herri-jantziak, batak argazkiekin eta besteak joskintzarekin egindako lana aurrez aurre

'Ikatza eta belusa' erakusketak Cristóbal Balenciagak goi-mailako joskintzan eta Ortiz Echagüek Espainia tradizionalaren argazki-erretratuetan, janzkera herrikoiaz izan zuten ikuspegi artistiko-dokumentala eta egin zuten berrazterketa estetikoa ditu ikergai. Aste honetan zabaldu ditu ateak eta 2017ko maiatzak 7a bitartean ikusgai egongo da Cristóbal Balenciaga museoan.

Bi artista horien obrak harremanetan jartzen dira, eta interpretazio desberdinak egiten dituzte errealitate berari buruz: XX. mendearen lehen hamarkadetan ahitzen ari zen jantzi herrikoiaz. Biek ala biek indarra eman zioten eta izaera atenporalaz hornitu zuten, ezin ukatuzko kalitate artistikoa duten lanen bidez.

Argazkigintzak eta modak bat egiten dute ingurune horretan, jantzi herrikoia eta haren balio unibertsalak omentzeko, eta, era berean, tradizioa berrinterpretatzen eta sorkuntzarako eta berrikuntzarako iturri gisa hartaz baliatzen jakin zuten bi artistak ere omentzeko.

Ikatza eta belusa

'Ikatza eta belusa' izenburuak erakusketa honetako izen berezien -José Ortiz Echagüe eta Cristóbal Balenciagaren- lanbideei eta iaiotasunari erabat korapilatuta dauden osagaiak ditu aipagai. Ikatza Echagüek erabilitako argazki-inprimaketaren teknikan agertzen da, eta janzkera tradizionaleko piezetan nagusi zen eta Balenciagak gogokoen zuen beltz biziari dagokio. Ahaztu gabe beltza oinarrizko elementua dela, lurraren gogortasunari eta landa-lanari lotua. Belusa, berriz, ehun argitsua da, goi-mailako dirudunek erabilia. Balenciagak sarritan erabili zuen goi-mailako joskintzakoa den material

hori.

Erakusketak hiru aretotan barrena egiten duen ibilbidean, Ortiz Echagüeren eta Balenciagaren 80 artelan baino gehiago daude ikusgai. Hala, bisitariek aukera ona izango dute bi artista horiek janzkera herrikoiaz zuten ikuspegia ezagutzeko, eta bakoitzak, bere diziplinatik abiatuta, jantzi horiek nola gaurkotu eta berrinterpretatu zituen ikusteko. Erakusketa eraikin nagusiko bigarren solairuan dago, eta ostiraletik 2017ko maiatzaren 7ra arte egongo da ikusgai.

Recibe nuestras newsletters en tu email

Apúntate