Diario Vasco

Erabakitze eskubidearen alde egingo duen taldeari Brankan izena eman diote herritarrek

Hautatzen. Herritarrek aukeratu zuten Brankan izena.
Hautatzen. Herritarrek aukeratu zuten Brankan izena. / AMAXKAR
  • Parte hartze prozesu baten bitartez jaso dira proposamenak eta Brankan izan da izenik bozkatuena

2017ko udaberrian eskualdeko beste hainbat herrirekin batera egingo den galdeketa bultza-tzeko sortu da talde hau herrian. Getarian Euskal Herriko burujabetzaren inguruko galdeketa sustatuko duen talde honi izena jartzeko hainbat proposamen egin dituzte getariarrek azken egunotan. 26 izan dira orotara bildutako proposamenak eta asteartean aukeratu zuten herritarrek izenik gustukoena bozketa bitartez. Bozkatzaileen %28k aukeratu zuen izena honakoa izan da: Brankan. Hori izango da Getariarren erabakitze eskubidea gauzatu eta burujabetzaren inguruko herri-galdeketa sustatuko duen taldearen izena hemendik aurrera.

Itsaso handia dagoenean, itsasontziak brankan mugitzen dira, itsasoaren indarrarekin atzera ez egiteko. Erabakitze eskubidearen aldeko herri mugimendu honek ere, zailtasunak zailtasun, aurrera egin nahi du itsasontzien antzera. Hortik datorkio izena. Behin izena ze-haztuta, 2017ko udaberrian egingo den burujabetzaren inguruko herri galdeketa antolatzeko urratsak egiten hasiko da talde hau, Gure Esku Dago ekimenaren babesean. Datozen asteotan proiektuaren aurkezpena egingo da herrian eta bertan zehaztuko da hurrengo hilabeteotako ibilbide orria.

Recibe nuestras newsletters en tu email

Apúntate