Diario Vasco

Eraikuntzako txartel profesionalaren inguruan informazioa emateko jardunaldia egingo da

Eraikuntzako txartela. Balentziagako lurpeko aparkalekuan lanean ibilitako langileak.
Eraikuntzako txartela. Balentziagako lurpeko aparkalekuan lanean ibilitako langileak. / AMAXKAR
  • Eskualdeko langabetu eta langileei zuzendua dago, eraikuntza sektorean lan egin nahi dutenentzat

Urola Kostako Udal Elkarteak, Fundación Laboral de la Construcción erakundearen lagun-tzarekin, jardunaldi bat antolatu du eskualdeko langabetuentzat eta langileentzat, hilak 20rako. Jardunaldiaren izenburua 'Eraikuntza sektoreko txartel profesionala: informazioa, baldintzak eta berrikuntzak' izango da eta doakoa da izena ematen duten guztientzat.

TPC/ETP eraikuntzako txartel profesionala da. Txartel horrek egiaztatzen du txartela duenak eraikuntza sektorean lan egiteko esperientzia eta prestakuntza badituela (prestakuntza orokorra nahiz lan arris-kuen prebentzioaren arlokoa), Eraikuntza sektoreko Hitzarmen Orokorrean hitzartutakoaren arabera.

Eraikuntza sektoreko enpresak txartel hori eskatzen ari dira gero eta gehiago eta garrantzitsua da eraikuntza sektorean lan egin duten edo lan egin nahi duten pertsonek horri buruzko informazio zehatza edukitzea.

Jardunaldi honetan TPC/ETP txartelaren inguruko informazioa eta prestakuntza egiaztatzeari buruzko informazioa eskainiko dute. Jardunaldia hilak 20an (osteguna) izango da, eguerdiko 12:30ean hasi eta 13:30ean amatituko da. Urola Kostako Udal Elkartearen egoitzan egingo da (Urdaneta bidea 6, Zarautz). Argibideak jasotzeko edo izena emateko (aurrez izena eman behar da), jarri Urola Kosta Udal Elkartearekin harremanetan, telefono bitartez 943 890808 zenbakira deituta edo idatzi harrera@urolakosta.eus posta elektronikora.

Recibe nuestras newsletters en tu email

Apúntate