Diario Vasco

Elektrizitate arloko ikastaroa egiteko aukera

Buruntzaldea-Beterriko langabetuei zuzendutako instalakuntza elektrikoen inguruko enplegurako prestakuntza programa abian jarriko da laster. Buruntzaldea Beterriko udalerriek (Andoain, Astigarraga, Hernani, Lasarte-Oria, Urnieta eta Usurbil) antolatutako 2016 Enplegu planari esker 10 kontratu konpromiso izango ditu ikastaro honek.

Parte hartzen duten pertsonek elektrizitate arloan lehen hastapena jasotzea da helburua, horretarako etxe eta eraikuntzetako instalakuntza elektrikoen inguruko formakuntza jasoz. Tentsio baxuko lanetan eta etxeetako elektrikari laguntzaile moduan lan egiteko gaitasunak barneratuz. Prestakun-tza honek, gerora elektrizitate arloan prestakuntza ibilbide bat jarraitzeko aukera eskaintzen du.

Ikastaroan Elektrizitate arloko 1. mailako Ziurtagi Profesional oso bat eskainiko da, beraz, ikasleak prozesu osoaren amaiera ziurtagiri oficial bat izango du eskuartean. Bertan sartu ahal izateko ikastaroa ematen den hizkuntzaren, gaztelaniaren, domeinua soilik eskatzen da. Prestakuntza ahalik eta praktikoena izatea da helburua eta guztira 300 orduko iraupena izango du, urritik abendura.

Ziurtagiri Profesionalak Lan Departamentuak ematen dituen titulu ofizial egiaztagarriak dira. Familia profesional baten barruan prestakuntza ibilbide bat baimentzen dutenak, 1, 2 eta 3 mailako prestakuntza eskainiz. Gainera behin maila jakin bateko ziurtagiria eskuratzean beste familia profesionaletara sarbidea ere eskuratu daiteke.

Ziurtagiri Profesionalek prestakuntza atalaz gain, praktika modulu bat izaten dute. Ikastetxeak beti bermatuko du prestakuntza egoki jaso duen pertsona orok modulu praktiko hori egiteko aukera izatea. Kasu honetan gainera, Enplegu Plan batekin koordinatuko da. Buruntzaldea-Beterriko udalerriek antolatutako 2016 Enplegu Planari esker 10 kontratu konpromiso izango ditu ikastaro honek (baldintza eta modalitate ezberdinetan).

Prestakuntza atala egoki gainditzea baldintza izango da bertan parte hartzeko, baita Buruntzaldea-Beterrin (Andoain, Astigarraga, Hernani, Lasarte-Oria, Urnieta eta Usurbil) erroldatua egotea.

Lehentasuna izango dute 55 urtetik gorako langabetuek, 35 urtetik beherako langabetuek (lehen enplegua), epe luzeko langabetuek eta DBE onuradunek. Guztira 5 hilabeteko 6 kontratu eta 3 hileko 4 gauzatuko dira, lantoki ezberdinetan banatuta, bertako elektrikariaren eta lan-taldearen laguntzaile gisa. Egitasmoa Lanbidek diruz-lagundu eta eskualdeko udalerriek kofinantziatzen dute eta prestakuntza hau Usurbilgo Lanbide Eskolak emango du bere instalazioetan.

Recibe nuestras newsletters en tu email

Apúntate