Diario Vasco

Bost tren historiko aterako dituzte trenbidera

Artxiboko argazkian, 'Allan' automotorea Lasaon.
Artxiboko argazkian, 'Allan' automotorea Lasaon. / IREKIA
  • XXII. urtemuga duela eta, egitarau berezia prestatu du larunbat honetarako Burdinbidearen Euskal Museoak

Eusko Jaurlaritzako Ingurumen eta Lurralde Politika Sailaren esku dagoen Euskotreneko Burdinbidearen Euskal Museoak larunbat honetan, urriaren 8an, bost tren historiko jarriko ditu zirkulazioan, lurrunezkoak eta dieselak, museoaren XXII. urtemugaren oroitzapen ospakizuna dela eta. 'González' eskalara egindako lurrunezko tren-makinaren erakusketa ere egongo da eta Azpeitian (Gipuzkoa) Museoaren trenbidetik 'Espinal' lurrunezko tren-makina eta 'Bedford' lurrunezko garabia ibiliko dira.

Larunbateko zerbitzu bereziaren bost tren historikoak ondorengo irteera ordua izango dute, Museotik (Azpeitia) Lasaora:

11:00etan: Portugaleko Trenbideetako 'Allan' diesel automotorea (1953. urtea).

12:00etan: Elgoibartik Donostiara doan trenbideko (1898) 'Aurrera' lurrunezko tren-makina.

13:00ean: Zornotzatik Gernikara doan trenbideko (1888) 'Zugastieta' lurrunezko tren-makina.

17:00etan: Euskal-Asturiar trenbideko (1965) 'Alsthom' diesel tren-makina.

18:00etan: Portugaleko Trenbideetako (1913) 'Portugal' lurrunezko tren-makina.

Horrez gain, museoko trenbideetan 'Espinal' lurrunezko tren-makina ibiliko da, Orconerako meatzaritzako trenbidea (1887) eta Babcock & Wilcox-eko (1920) Bedford lurrunezko garabia.

Beste alde batetik, 'González' lurrunezko tren-makinarekin erakusketa bat egongo da, eskuz egindako eskalara tren-makina 1925 eta 1936 urteen artean eta, ziur asko, penintsulan bere motatako zaharrena.

Larunbatetan 10:etik 14:00etara eta 16:00etatik 19:30era dago zabalik museoa. Igande eta jaiegunetan, berriz, 10:30etatik 14:00etara.

Asteburu honetan, bestalde, urriaren 7an, ostiralean, eta urriaren 9an, igandean, zirkulazioak ere egongo dira. Egun bietan, trenak 12:30ean Azpeitiko Museotik irtengo dira.

Recibe nuestras newsletters en tu email

Apúntate