Diario Vasco

Eskola Txikien Festaren antolakuntzan guztiz inplikatu da Arroabea

2017ko ekainaren 11n Gipuzkoako Eskola Txikien Festa Arroabean ospatuko da. Pasa den astean festa hau antolatzeko beharrezkoak diren lan taldeak osatzeko lehen bilera egin zen Arroabean. Sakulupe Guraso Elkarteko kideak, udaletxeko zinegotzia den Gorka Unanue, eskolako irakasleak eta auzotar ugari elkartu ziren bertan, guztira 70 lagunetik gora, denak ere lanerako gogoz.

Aipatutako bileran batzorde ezberdinak osatu dira festa antolatzeko beharrezkoak diren lanak egiteko, eta jendeak batzorde hauetan eman du izena. Ba-tzorde bakoitzak koordinatzaile bat izango du, eta koordinatzaile ezberdinen arteko bilerek lotuko dituzte lan talde guztiak. Koordinazio mahai honetan Guraso Elkarteko, udaletxeko, eta eskolako kideak egongo dira eta laster izango dute lehen bilera. Inork laguntzeko izena eman nahi izango balu, Guraso Elkarteko kideengana edo eskolara jo dezake.

Bestalde, ekainean festa egiterako eskola berriko lanak hasita egotea aurreikusten da. Eusko Jaurlaritza ordurako eraikin berriko lanekin hasteko, aurrez udaletxeak azpiegitura eta hornikuntza lanak burutu beharko ditu, hala nola, ura, argi indarra, saneamendua, edo telekomunikazioak.

Futbola

Zestoako talde nagusiak, aurrez bi garaipen lortu ostean, lehenengo porrota sufritu zuen azken jardunaldian Zumarragan jokatu zuen norgehiagokan. Hurrengo astean etxean liderraren aurka jokatu beharko du. Beste taldeei dagokionez, Zestoa B taldeak 3 eta 1 irabazi zuen, ohorezko mailan aritzen den jubenil taldeak bigarren berdinketa lortu zuen, 1 eta 1, kadete mutilek etxean 2 eta 5 galdu zuten Realaren aurka, eta kadete neskek 0 eta 2 irabazi zuten.

Recibe nuestras newsletters en tu email

Apúntate