Diario Vasco

Iazko irabazle bera izan du Errezilgo IV. Sagardo Txapelketak

Irabazleari txapela janzten.
Irabazleari txapela janzten. / GAZTETANDIK KE
  • Basabe baserriko sagardoak irabazi zuen zapatu iluntzean herriko frontoian jokatutako lehia

Kultur elkarteko kideek dena prest zuten zapatuan beste behin, eta laugarrenez, Errezilgo Sagardo Txapelketa ospatzeko. Herriko 14 ekoizle prest, beren baserrietako zukuak probatzera emateko baina puntu negatibo bakarra, eguraldia.

Zapatuako giro txarrak bat edo beste beldurrarazi zuen jendea ez ote zuen erakarriko herriko pilotalekura. Hala ere, «ondo erantzun zuen jendeak eta nahikoa gozatzeko aukera izan zuten, giro ederra sortu zen», adierazi dute antolatzaileek. 160-170 lagun inguru bildu zen Errezilgo pilotalekuan.

Aurtengo txapelketako irabazlea iazko bera izan da, Basabe baserria. Honek txapela eta garaikurra jaso zituen. Sailkapenean bigarrena, Ibarguren baserria izan zen eta hirugarrena, Agerre.

Sagardo dastatzeaz gain, Errezilgo frontoira gerturatu ziren lagunek zapatuan nahikoa patata tortilla, txorizoa eta hirugiharra izan zuten ahora eramateko. Hala nahi zuenak, kafea ere bai. Pozik bertaratu zirenak izan zen giroarekin.

Recibe nuestras newsletters en tu email

Apúntate