Diario Vasco

Denboraldiko lehen bi puntuak galdu zituen Oriokok

Jorge Aranburu eta Josu Solaberrieta Oriokoko jokalariak
Jorge Aranburu eta Josu Solaberrieta Oriokoko jokalariak / ETXEBERRIA
  • EAS 08 talde donostiarraren aurka 3-3 berdindu zuen Mendibeltz zelaian

Preferente mailako Oriokok ezin izan zuen denboraldiko hirugarren garaipena lortu, berdinketarekin konformatu behar izan zuen larunbatean Mendibeltz zelaian, EAS 08 talde donostiarraren aurka. Hiru aldiz aurretik joan eta gero, 3-3 amaitu zen norgehiagoka. Oriotarren golak Josu Solaberrietak (2) eta Xabier Requejok lortu zituzten.

Berdinketa honen ondoren, oriotarrak lehen postuan jarraitzen dute, hori bai orain Añorga eta Euskaldunarekin berdindurik, 7 punturekin. Hain zuzen, datorren asteburuan Andoainera egingo dute bidaia.

Oriokok talde polita daukala aurten iruditzen zaigu, joan den urteko jokalari askorekin; zorte txarra Tarantinok izan du, lesio larria jasan ondoren joan den astean, entrenamendu batean. Berri batzuk etorri dira: atezaina (Iñigo), Unai Garate edo Josu Sanz, adibidez.

Joan den larunbatean Egoitz Mendizabal entrenatzaileak ondorengo hamaikakoa zelairatu zuen: Iñigo, Aramendi, Ruiz, Iker Urdangarin, Jorge Aramburu, Nestor Kaperotxipi, Xabier Requejo, Iker Lopetegi, Ramon Erkizia, Josu Solaberrieta, eta Joseba Areizaga. Bigarren zatian Andoni Uranga, Mikel Usandizagak eta Eneko Azkuek jokatu zuten.

Maila bat jaitsita, jubenil taldeak ez zuen kupidarik izan eta Lengokoaken zelaian 0-8 nagusitu zen; kadeteak, berriz, Urkiren zelain 2-3 irabazi zuten eta neskak galdu Orion Arizmendi taldearen aurka.

Recibe nuestras newsletters en tu email

Apúntate