Diario Vasco

'Jendartean bidaide' antzezlana kultur etxean

Emanaldian parte hartzen duten antzezle taldea.
Emanaldian parte hartzen duten antzezle taldea.
  • Ostegunean eskainiko da emanaldia, 22:00etan; txartelak salgai daude kultur etxe bertan

Berdin-Berdinak kirol elkarteak proposatu eta Udalak antolatuta, 'Jendartean bidaide' antzezlana ikusteko aukera izango da Orioko kultur etxean urriaren 6an, ostegunarekin. Emanaldia 22:00etan hasiko da eta sarrerak 5 euro balio du.

Emanaldi hauek, normalean, ostiralean egiten dira; baina urriaren 7a jaieguna denez, egun bat aurreratu eta ostegunean egitea erabaki du Udalak.

Kultur etxeko aretoaren aforoa mugatua denez, 120 txartel jarriko dira salgai eta, beraz, antzezlana ikusi nahi dutenek hobe dute garaiz ibili. Dagoeneko eros daitezke sarrerak, kultur etxera joanda.

Iaz estreinatu zuten

Antzezlan hau iazko Kilometroak jaiaren barruan estreinatu zuten Usurbilen eta oso harrera ona izan zuen. Antzerkia eta musika uztar-tzen dituen proposamen artistiko-inklusiboa da: antzerki bat antzerkiaren barruan. Bertan antzezle talde anitza agertzen da, 'Egunero gattunk artistak!' obra prestatzen. Antzezlanean ikusiko dugu taldean sorkun-tza prozesu hori nola bizi duten. Oso denbora mugatua daukate dena prestatzeko eta, ari direla, zailtasunei aurre egin beharko diete, urduri ibiliko dira, eztabaidatu egingo dute, eta abestu ere bai piano baten laguntzaz...

Gai nagusia inklusibitatea da. An-tzezlanak gaiarekiko sentsibilizazioa sortu nahi du eta, modu atsegin batean aurkeztuz, zer pentsatua eman ikusleari: Nolako jendartean bizi gara? Zer da ezgaitasuna edukitzea? Zer da gai izatea?

Antzezlanaren talde artistikoa honela osatuta dago: Ana Elordi, Anabel Arraiza, Satxa Soriazu, Telmo Irureta, Xanti Agirrezabala eta Eugeni Alzibar. Lagun gonbidatu batzuk ere parte hartuko dute: Ana, Bouchra, Enrike, Irati, Miren...

Zuzeneko musika Satxa Soriazu pianistak joko du eta, antzerkiaren lagungarri, zeinu bidezko interpreteak ere izango dira: Jugatx Agirre eta Ainhoa Moiua. Aurkezle lanetan Jurgi Olasagasti arituko da, Gipuzkoako Kirol Egokituko Federaziokoa. Gidoia eta zuzendaritza Alex Telloren esku daude.

Recibe nuestras newsletters en tu email

Apúntate