Diario Vasco

Keta Babyautok hasi berri den denboraldiko lehen garaipena lortu du Idiazabalen aurka

Keta Babyoauto. Etxeko lehen partidan taldeak argazkia atera zuen Mendibeltz futbol zelaian.
Keta Babyoauto. Etxeko lehen partidan taldeak argazkia atera zuen Mendibeltz futbol zelaian. / AMAXKAR
  • 2-1 irabazi zuen larunbatean Mendibeltz futbol zelaian Getariako Ketak Gorengoen Mailako etxeko lehen partidan

Bigarren jardunaldian iritsi dira lehen hiru puntuak getariarrentzat Gorengoen Mailan. Liga kanpoan hasi zuten joan den asteburuan eta partida ona egin arren punturik gabe itzuli ziren orduan. Larunbatean, berriz, 2-1 gailendu zen Getariako Keta Babyauto Idiazabalen aurka etxeko lehen partidan eta itxura oso ona emanaz gainera Mendibeltz futbol zelaian.

Partida ezin hobeto hasi zen getariarrentzat. Erritmo altuan hasi zuten norgehiagoka Ketakoek eta berehala ekin zioten aukerak sor-tzeari. Horrela, 5. minutuan, Ander Lazkanok eskuin aldetik egindako jokaldi bikain bati esker 1-0 jarri ziren aurretik markagailuan. Idiazabal taldea lekua hartu ezinik zebilen eta ez zuen arriskurik sortzen Julen Azpeitiaren atean. Lehen zatia dominatu ostean eta atsedenaldira iritsi baino lehen, Jon Barreirosek egin zuen bigarrena buruz korner batean.

Partida guztiz kontrolpean zuten getariarrek eta bigarrenak ere an-tzeko itxura izan buen azken minutuetara iritsi arte. Izan ere, bost minuturen faltan, epaileak penaltia adierazi buen Idiazabalen alde eta aldea murriztea lortu zuten bisitariak kezka sortuz. Azken minutuak luze egin zitzaizkion Txema Rauleaga eta Iñaki Azpitarteren mutilei. Baina emaitza bere horretan geratu zen. Datorren asteburuan, Intxurreri egingo diote bisita.

Jubenilek ere denboraldiko lehen puntua atera zuten Iraetan. Lehen partida galdu ostean, Zarautzen aurka 0-0 berdindu zuten. Datorren astean, Amara Berri B taldeari egingo diote bisita.

Temas