Diario Vasco

EH Bildu koalizioak jaso ditu bozka gehien Zestoan

  • Koalizio independentistak 830 bozka jaso ditu eta PNV-EAJ alderdiak 702

Pasa den igandean izan ziren Euskal Parlamenturako hauteskundeetan EH Bildu koalizioa izan zen bozka gehien jaso zituen alderdia Zestoako udalerrian, 830 bozka eskuratu ostean. Jarraian PNV-EAJ alderdia izan zen bozka gehien jaso zituen alderdia, 702 botokin, eta hirugarrena Elkarrekin Podemos koalizioa, honek 176 bozka jaso zituelarik.

Gainontzeko botoak honela banatu ziren: PSE-EE, 41, PP, 15, PACMA, 5 eta Ciudadanos, 3. Parte har-tzea % 63,41koa izan zen.

Gure Esku Dago

Zestoako Gure Esku Dagok, aurreko urtean hainbat herrik (Azpeitia adibidez) egin zuten antzera, erabaki-tzeko eskubidearen alde herri galdeketa egitekotan dabil. Herri galdeketa hau martxan jartzeko talde eragilea sortzeko bilera deitu du. Aipatutako bilera irekia bihar, asteazkena, arratsaldeko 19:30ean izango da, herriko kultur etxean.

Gure Esku Dago erabakitzeko eskubidearen alde Euskal Herrian lan egiten duen dinamika anitza eta parte-hartzailea da.