Diario Vasco

Bertsolarien saioa oso txalotua izan zen

Animazio polita jarri zuten Jugatz eta Naiarak.
Animazio polita jarri zuten Jugatz eta Naiarak.
  • Andoni Egaña, Maialen Lujanbio, Amets Arzallus eta Iker Zubeldia aritu ziren herrian

Pasa den larunbat arratsaldez muxikoak estreinatu ziren Aizarnazabalen eta arrakasta ezin hobea lortu zuen hainbat egunetan entseatzen ibili ziren herritar taldeak.

Bestalde, eszenatokia aldatu zen larunbat gaueko bertso ekitaldia entzuteko; azken urteotan eliza betetzen bazen punta-puntako bertsolariekin tarte atsegin bat izateko, aurtengoan frontoia ere horrelaxe zegoen Andoni Egaña, Maialen Lujanbio, Amets Arzallus eta Iker Zubeldiaren bertsoak gogoz txalotzeko.

Gai asko ukitu zituzten, serioak, barregarriak, ironiaz beterikoak, kuttunak, ziria sartzekoak... denak izan ziren jendearen gustuko.

Hauteskundeen emaitzak

Ia %35eko abstentzioarekin, eta 542 pertsonen zentsotik, EH Bilduk lortu zituen bozka gehien igandean, 203 zehazki, EAJk 103 eta Elkarrekin-Podemosek 32. Gainontzeko alderdiek oso bozka gutxi gehitu zituzten beren zerrendetan.