Diario Vasco

Ate irekietako eguna haurreskolan, etzi

Orioko haurreskolan matrikulatzeko epea zabalduko da.
Orioko haurreskolan matrikulatzeko epea zabalduko da. / ETXEBERRIA
  • Urriaren 3an irekiko da izena emateko epea

Irailaren 27an, asteartearekin, ateak irekiko ditu Maria Maestra haurreskolak, barrutik ezagutu nahi dutenek aukera izan dezaten instalazioak ikusteko, hezitzaileekin hitz egiteko eta, oro har, informazioa jasotzeko. Bisita-ordua arratsaldez izango da, 17:00etatik 18:00etara.

Haurreskolan matrikulatzeko epea datorren urriaren 3an zabalduko da eta irekita egongo da urriaren 10a arte.

Matrikulatzeko, haurrak jaiota izan behar du. Orain matrikulatzen diren haurrak urtarriletik aurrera hasiko dira haurreskolan. Agiriak jasotzeko eta izena emateko ordutegia hau izango da: astelehenetik ostiralera, 13:00etatik 15:30era.

Plaza hutsak

Momentu honetan haurreskolak baditu plaza libreak, bai 0-1 bitarteko haurrentzat (16 plaza daude libre) eta bai 1-2 bitartekoentzat (8 plaza daude libre). Informazio gehiago nahi duenak telefonoz ere egin dezake kontsulta, 943.89.06.25 telefonora deituta edo helbide ehonetara idatzita: mariamaestra.orio@haurreskolak.eus