Diario Vasco

Getariako kirol portuak bisitari asko jaso ditu

Kirol portua. EKPk kudeatzen duen instalazioak ontzi kopuru handia jaso du aurtengo udan.
Kirol portua. EKPk kudeatzen duen instalazioak ontzi kopuru handia jaso du aurtengo udan. / AMAXKAR
  • EKPak kudeatutako Euskadiko Kirol Portu guztietatik itsasontzi gehien hartu dituena izan da, 483 ontzi

Itsas-turismoan udako denboraldia amaitzeko gutxi falta den honetan EKP-Euskal Kirol Portuak erakundearen bidez kudeatutako Eusko Jaurlaritzaren portu-azpiegiturek, oraingoz, iragaitzazko 2.073 ontziren bisita erregistratu dute. Datu hauek oso dira interesgarriak baino Getariari dagokionez oraindik eta hobeak dira zeren kopuru horretatik gurera etorriak 483 izan dira. Mutrikuk 455, Hondarribiak 414, Donostiak 404, Bermeok 241 eta Oriok 77 bisitari izan dituzte. Bertako tripulatzaileek, EKPk adierazi duenez, batez beste, ia bi gau eman dituzte kirol portuetan. Nagusiki frantsesek, espainiarrek eta ingelesek bisitatu dute Euskal kostaldea, baina, besteak beste, Suediatik, Hong Kongetik, Kanadatik edo Holandatik etorritakoak ere egon dira bertan. Hortaz, iazko datuekin alderatuz, % 20ko gehikuntza egon dela ikusten da. Abuztua izan da bisita gehien jaso dituen hilabetea, 967. Uztailean 637, ekainean 196 eta irailean 108 (datuak kaleratu zirenean) baina urteko gainerako hilabeteetan ere egoten da mugimendua.

Bitxikeria gisa, EKParen euskal portuetan zazpi egunez Suitzako eta Andorrako ontzi bana egon direla (kostalderik gabeko herrialdeak baina beste portu batzuetan basea duten ontziak) azpimarratu behar da.

Hondarribiko instalazioetan bisitarien kopurua mantentzen den bitartean, Getarian eta Mutrikun kopuru hori izugarri igo da. Horretan asko lagundu dute udan izandako eguraldi onak eta Juan Sebastián Elkano portuaren pantalanetarako sarrera-baldintza egokiek. Donostiak ere bere kortesiazko pantalan berriak estreinatu ditu 404 ontziren amarradurarekin. Urtea amaitu bitartean kopuru hori handitu egingo da. Gainera, aurten, Donejakue Bidera kabotajea sustatzen duen 'Navega el Camino' izeneko kultur ekimen berria jarri da martxan.