Diario Vasco

Errefuxiatuen aldeko jaialdian 4.482 euro lortu ziren

Taloia. Hotz Zarautzko ordezkariak diru laguntza jasotzen.
Taloia. Hotz Zarautzko ordezkariak diru laguntza jasotzen.

Gustora agertzen dira Hotz Zarautz eta BPXsport joan den larunbatean egin zen Europa ekialdean egoera larria sufritzen ari diren errefuxiatuen aldeko jaialdian. «Egindako balorazioa oso positiboa da, jende asko hurbildu zen Karelara, eta iaz baino parte hartze gehiago egon zen. Hain zuzen, guztira 280 pertsonak egin zuten jardueraren bat, hortik 160 puzgarri, eskalada eta eskulanetan ibili ziren haurrak izan zirelarik, eta ia 30 Haurren Indoor Triatloian ere parte hartu zutenak. Jumpfit eta Spining-ko saio ezberdinetan ere ia 90 pertsonek parte hartu zuten», adierazten digu Karelako zuzendaria den Gari Garagarzak.

Parte hartze honek diru bilketan jarritako helburua gainditzea ekarri zuen, guztira 4.482 euro biltzea lortu zirelarik. «Beraz, partaidetza aldetik eta diru aldetik zenbakiekin oso pozik gaude».

Antolatzaileek batik bat La Caixa Gizarte Ekintzako Aitor Hoyos zuzendariari eman nahi dizkio eskerrak, bere inplikazioaren bidez hau posible egin dutelako. Eskerrak ere Karela kiroldegiko eta BPXport-en langileei.