Diario Vasco

Piraten danborradarekin zabaltzen dira gaur gauean Gazte Festak

Gaur hasi eta asteburu guztian zehar Gazte Festak Orion, egitarau zabalarekin. Eta hasteko, gaur gauean, piraten danborrada. Iaz ez zen egin, baina aurtengorako berriz animatu dira. Gaueko 22:00etan gaztetxetik abiatuta egingo dute danborrada, Orioko 7. Gazte Festetako egitarau zabalduz. Ondoren, gauerdian, Kixkurneren igoera izango da herriko plazan, eta lehen egun honetako egitarauarekin amaitzeko, Reggae Orio Band taldearen kontzertua plazan eta ondoren dj Gurru.

Biharko eguna zabaltzeko, goizeko 10:00etan ikastolako arranplatik gaztetxera baltsa lasterketa izango da. Eguerdiko 12:30ean, paella lehiaketa gaztetxean eta 14:30ean, bazkaria. Arratsaldean berriz, 18:00etatik aurrera, Elektrotxufla elektrotxaranga herrian zehar eta jarraian, kontzertuak plazan: Gabezin eta 80eko musika Arrutirekin. Igandean, azken egunean, Altxorraren bila gazteentzat, jolasak plazan eta arratsaldean monologoa 'Euskaldunak eta sexu topiko tipikoak' Ximelen eskutik.