Diario Vasco

IV. Mendi ibilaldia antolatu dute Errezilen bihar Gaztetandik kultur elkartekoek

Gaztetandik Kultur Elkarteak Errezilgo Mendi Ibilaldia antolatu du laugarrenez. Bihar, zapatua, arratsaldeko 15:30ean izango da irteera, goiko Plazatik. Errezil-en abiatu eta Putzumenta, Otsabiaga, Trintxera joko dute eta berriro herrira bueltatuko dira parte hartzaileak. Bi aukera izango dira biharkoan. Oinezkoentzat batetik eta mendi bizikletaz, bestetik. «Oinezkoak aurretik aterako dira elkarri oztoporik ez egiteko», esan dute mendi ibilaldiko antolatzaileek.

Ibilbidearen erdian, merienda egiteko tartea ere izango dute partehartzeileek, antolatzaileen kontura. Trintxeran izango da hori, indarrak hartu eta Errezilera itzultzeko.

Jantzi egokiak eramatea komeni da. Bizikletaz parte hartu nahi duenak derrigorrezkoa izango du kaskoa eta bizikleta baldintzaonean izatea.Potzumentaraino bizikletak kotxeetan eramango dituzte.

Gaztetandik kultur elkarteko kideek parte hartzeko deia luzatu dute aukera apregabea baita inguruak ezagutu eta gozatzeko.