Diario Vasco

Futbol Talde nagusiak eta kadete neskek estreinakoz jokatuko dute bihar euren zaleen aurrean

Talde nagusiak bihar bigarren garaipena eskuratzeko aukera izango du
Talde nagusiak bihar bigarren garaipena eskuratzeko aukera izango du / ARRIZABALAGA

Zestoako futbol talde nagusiak bihar, 15:30etan jokatuko du estreinakoz bere zaleen aurrean, pasa den astean garaipena lortu ostean. Idiazabalen jokatu zuen norgehiagokan 0 eta 1 gailendu zen, eta bihar Iraetako zelaian Intxurre taldea izango du aurrez aurre.

Lehenago, goizeko 11:00etan, kadete nesken partida izango dugu. Hauek ere zaleen aurrean lehenengo aldiz jokatuko dute denboraldi berri honetan eta menderatu beharreko taldea Aloñamendi izango da.

Beste taldeei dagokionez, denak ere gizonezkoak, Zestoa B taldeak Mutrikun jokatuko du, arratsaldeko 16:30ean, Jubenilak Elgoibarren, 19:00etan, eta kadeteak Azpeitin, 11:00etan.

Azkenik, berriro ere gogorazi bazkide kanpaina irekita duela Futbol taldeak, eta ondorioz, bazkide txartela berritu edo berria egin nahi duenak futbol zelaian bertan izango duela aukera hori egiteko.