Diario Vasco

Keta Babyautok ezin punturik atera lehen partidan Beasainen

Hasiera. Gauzak zuzentzen jarraitu beharko du Rauleagak.
Hasiera. Gauzak zuzentzen jarraitu beharko du Rauleagak. / AMAXKAR
  • Markagailuan aurretik jarri ziren Rauleagaren mutilak partida hasi eta berehala baino etxekoak nagusitu ziren: 3-2

Beasainen eman zion hasiera Keta Babyautok denboraldiari, baina ez nahi bezala. Partidan aurretik jarri arren, 3-2ko emaitzarekin amaitu eta esku hutsik itzuli ziren etxera.

Norgehiagoka bikain hasi zen Ketarentzat. 5. minuturako aurretik ziren Pablo Alvarezen golari esker. Jokoa, ordea, berdintsua zen eta ez zuen inork partidaren kontrola eskuratzen. Aukera gutxi izan ziren lehen zatian eta atsedenaldirako minutu gutxiren faltan, Beasainek partida berdintzea lortu zuen geldikako jokaldi batean.

Bigarrenean, Keta atzean sartu eta kontraerasora jokatu zuen. Beasainek gehiago ukitu zuen eta geldikako beste jokaldi batean bigarrena egitea lortu zuten. Aukera garbiak izan arren, ezin izan zuten gauzatu getariarrek eta minutuak aurrera egin ahala, beasaindarrek 3. gola egitea lortu zuten. Ketak aurrera egin zuen eta baita distantziak murriztea lortu ere. Penalti bati esker, Mikel Agirrek 3-2koa ezarri zuen. Azken minutuetan beasaindarren area inguruan ibili arren, ez zuten partida berdintzea lortu.

Rauleaga eta Azpitartek zelairatutako taldea ondorengoa izan zen; Julen Azpeitia, Maikel Larrañaga, Oier Idiakez, Imanol Gereka, Gorka Lazkano, Paulo Alvarez, Jokin Etxabe, Ander Epelde, Jon Galarraga, Iker Agirre eta Ander Lazkano. Bigarren zatian jokatu zuten baita Mikel Agirre, Jon Barreiros, Ion Eguren eta Joseba Aizpuruk.

Datorren larunbatean, Idiazabal jasoko dute Mendibeltzen arratsaldeko 18:30ean etxeko estreinaldian. Jubenilek aldiz, 2-0 galdu zuten beraien lehen partidan Ekintzaren aurka.