Diario Vasco

Herniora mendi irteera antolatu dute Gure Txeruk eta Urritza aisialdi taldeak

Hernio. Bertaratzeko aukera dute getariarrak igandean.
Hernio. Bertaratzeko aukera dute getariarrak igandean. / AMAXKAR
  • Datorren igandean egingo da eta autobusez edo oinez joan ahal izango da izena Harritarten eman ondoren

Gure Txeruk eta Urri-tza aisialdi taldeak datorren irailaren 18rako, hurrengo iganderako, haur eta helduentzako Herniora joateko egun pasa antolatu dute. Bi aukera izango dira bertara joateko. Batzuk autobusean aterako dira eta besteak zuzenean herriko plazatik oinez abiatuko dira.

9 eta 14 urte bitarteko haur eta gaztetxoek Urritzakoen ardurapean joan ahal izango dute mendi irteera honetara.

Getariatik autobusa igandean goizeko 8:30ean aterako da, 14 urtetik beherakoek doan izango dute autobusa eta 15 urtetik gorakoek, aldiz, bi prezio ezberdin dituzte bazkide diren ala ez azalduz. Honela, Txeruko bazkide direnek 5 euro ordaindu beharko dituzte, eta bazkide ez direnek berriz, 8 euroren truke lortuko dute autobus txartela.

Autobusaren, ordez, oinez joan nahi dutenek ere aukera izango dute, kasu honetan, goizeko 7:00etan aterako dira herriko plazatik. Kontutan izan, oinez doazenek itzulerako autobus txartela erosi beharko dutela. Itzulera arratsaldeko 17:00ak inguruan izango da.

Herniora autobusez nahiz oinez joan nahi dutenek Harritarte dendan dagoen zerrendan eman beharko dute izena, irailaren 15a baino lehen, beraz gaur izango dute azken eguna hori egiteko. Bazkari eta gainon-tzeko janari eta edariak norberak eraman beharko ditu. Gogoratu iraileko igandeetan, erromeri festa ospatzen dela Zelatunen. Jendetza bildu ohi da Ernio mendira igotzeko eta ondoren eguna Zelatunen igarotzeko, trikitixaz alaituta.