Diario Vasco
Kale giro aparta izan zen atzokoan ere.
Kale giro aparta izan zen atzokoan ere.

Gaur amaituko dira Zestoako Amabirjin jaiak

Luze, oso luze doaz aurten ere Zestoako jaiak, izan ere hiru asteburu daramatzagu jaietan, dela garagardo azoka, dela gazteen eta jubilatuen asteburua, edo eta dela bost egunetako iraupena izan duen Amabirjina jaiak. Atzo. koadrila eguna, egun jendetsua izan genuen, XVIII. paellada bazkaria zela, baltsa jaitsiera, kale giroa edo gaueko musika festa tarteko. Gaur, jaietako azken eguna, gaztetxoak izango dira protagonista nagusiak. Horrela, gaztetxoen txupinazoa, zezen txikiak, jolasak, apar festa eta abar izango dira .

Goizeko 10:00etan, Idiakaitz txistulari taldearen diana. 11:00etan, Haurren udalbatzarra. Ondoren, Erdikalean hasita, Haurren Udalbatza, udaltzainak, buruhandiak eta abarrekin kalejira Ustekabe txarangak lagunduta. 12:00etan umeek 'txupinazoa' botako dute udaletxetik. Ustekabe txaranga. Ordu berean, meza nagusia. 12:45ean. Lopeneren zezen bolaztatuak eta poniak, ume eta gaztetxoentzat. 14:30ean, ume, gaztetxo eta gurasoentzat bazkaria. 16:30ean, altxorraren bila, txapa tailerra, aurpegi margoketa... Laranjadi plazan, 18:00ak arte. Ondoren, 18:30ean, apar festa, frontoian. Eta 20:30ean. Berriketan taldea, Laranjadin.