Diario Vasco

Koadrilen eguna izango da gaur Zestoan

Herri afari eta bazkariak ere etengabe izaten dira egun hauetan.
Herri afari eta bazkariak ere etengabe izaten dira egun hauetan.
  • Bihar, jaietako azken eguna, gaztetxoak izango dira protagonista

  • Herri bazkaria, Patanen jaitsiera eta DJ Julius izango dira ekitaldi nagusiak

Atzean utzi dugu euria, atzean zekorketak eta pasodobleak, atzean herri afari edo kale musika... baina gaur, larunbata, izango da non-nahi festa eta kale giroa, gaur Koadrilen eguna ospatuko baita. Horrela eguerdian herriko koadrila gehienak hor ikusi ahal izango ditugu paellak prestatzen plaza ingurua, gero denok elkarrekin herriko plazan jateko.

Eguneko beste zita aipagarrienetako Patanen jaitsiera izango dugu, hau da, Urola ibaian koadrilek prestatu dituzten baltsetan egingo diren jolasak. Aurtengoa bigarren edizioa da eta jai egitarauan 18:00etarako iragartzen dute. Eta nola ez, gaueko musikak ere jai giroa indartuko du.

Bihar, jaietako azken eguna, gaztetxoak izango dira protagonista. Horrela, besteak beste, Haurren udalbatzarra, zezen bolaztatuak eta poniak gaztetxoentzat, hauen arteko bazkaria, jolasak, apar festa, musika eta abar izango dira.