Diario Vasco

Orioko Herri Ikastolan gaur hasten dute ikasturte berria

Udan lanean jardun ostean, Haur Hezkuntza guztirako gelak prest ditu Herri Ikastolak.
Udan lanean jardun ostean, Haur Hezkuntza guztirako gelak prest ditu Herri Ikastolak.
  • DBHko ikasleentzat aurkezpen eguna izango da gaurkoa. HH eta LHkoak 12an hasiko dira

Herri Ikastolan gaur hasiko dute ikasturte berria DBHko ikasleek, aurkezpen egunarekin, goizeko 10:00etan. Astelehenetik aurrera 08:30etik 14:30era arituko dira ikasle hauek goizeko ordutegi jarraian iraila osoan. Haur eta Lehen Hezkuntzako ikasleak, aldiz, irailaren 12an hasiko dira, astelehenarekin. HH eta LH 1 eta LH 2koak 09:00etan eta LH 3, 4, 5 eta 6ekoak 08:30ean. Ikasle hauek bi astez arituko dira goizez 12:30ak arte, eta irailaren 26tik aurrera goiz eta arratsaldez. Aurtengoan, 773 ikasle hasiko dira Orioko Herri Ikastolan, 67 irakasle, 11 langile eta 485 familia.

Udan, obrak

Udan zehar ez dira geldirik egon Herri Ikastolan, izan ere Haur Hezkun-tza gelan obrak egin dituzte, Konfiantzaren Pedagogia egitasmoa aurrera eraman ahal izateko. Era honetan, Haur Hezkuntza guztia jada prest jarri dute. Iaz 2 eta 3 urteko espazioak egokitu zituzten eta udara honetan 2, 3, 4 eta 5 urtekoak; beraz Haur Hezkuntza guztia prest dago.

Aipatu beharra dago obra hauek Ikastolako guraso, guraso-ohi, irakasle, langile eta aiton-amonekin auzolanean egin dituztela, Ikastolaren izpiritua eta oinarriekin bat eginez.