Diario Vasco

Getaitriko triatletak denboraldia amaitzear

Getariar triatletak. Azken probetan lan txukuna egin dute kirolari getariarrek.
Getariar triatletak. Azken probetan lan txukuna egin dute kirolari getariarrek. / GETAITRI
  • Gogoz ekiten diote triatletek denboraldi berriari baina luze joaten da eta laster bukatuko dute aurtengoa

2016ko triatloi denboraldia bukatzen ari da. Urte hasieratik prestaketa lanean aritu ondoren bakoitzak bere helburuak izaten ditu, zein probetan parte hartu eta hauetan nolako maila eman eta orain balantzea egiteko garaia heltzen joaten da Getaitriko partaide bakoitzarentzat.

Joan den larunbatean Zumaian izan ziren Getaitriko taldekide ba-tzuk, X. Zumaiako Sprint Triatloia lehiatzen. Ez da erreza urte garai hauetan lehiatzeko entrenatzen aritzea, beraz animo eta jarraitu lanean. Aipatzekoa da proba honetan Aitor Andonegiren debuta, zorionak eman eta horrela jarrai dezala opa diogu getariarrari.

Aipatzekoa da baita, orain bi aste Zumaiko Taosa Igeri Klubak lehenengoz antolaturiko Itzurun -Arranpla itsas zeharkaldian ere izan zirela taldekideak. Itsaso txarra medio, Urola ibaian osatu zen zeharkaldia, eta korrontea izan zen protagonista. Getaitriko kideak Zumaian antolatu diren bi proba hauen bultzatzaileei zoriondu nahi die, ahalegina handia izan eta emaitza ona lortu zutelako.

Orain urruti ikusten da apirilak 30ean antolatutako Getariako II. Triatloia. Taldekideentzat saio berezia izaten da baina antolaketan ere buru neke ugari izaten dituzte eta hori aipatzeko kontua da zalan-tzarik gabe. Hemendik aurrera eguraldiaren baldintzak proba gutxiago antolatzera bultzatzen du triatloia baian atseden bat hartu eta laster izango dira getariar triatletak hurrengo denboraldia prestatzen.