Lehiaketa zabaldu du Udalak sei panteoi erabiltzeko

Udalak lehiaketa egingo du, hilerriko sei panteoi erabiltzeko eskubideak adjudikatzeko. Panteoien erabilera-eskubideak kon-tzesio administratiboko erregimenpean emango ditu udalak, onartu dituen baldintzen arabera: kontzesioaren epea 50 urtekoa izango da, gero beste 49 urtez luzatu ahal izango dena; 50 urteko eskubideei dagokien udal tasa 10.000 eurokoa izango da. Panteoiak honako hauek dira: 65, 66, 67, 68, 69 eta 88 zenbakidunak.

Panteoien erabilera-eskubideak zozketa bidez adjudikatuko dira eskaera egiten dutenen artean. Lehiaketan parte hartu nahi dutenek udaletxean aurkeztu behar dituzte eskaerak eta horretarako azken eguna ekainaren 20a izango da. Beraz, oraindik hiru aste asmoak zehazteko.