Hasiera ona gazteek trainerilletan

Gipuzkoako Trainerilla Ligari hasiera ona eman diote Getariako Arraun Elkarteko ontziek. Bereziki emaitza bikainak lortu dituzte gazte mailako arraunlariak. Bateletan erakutsi zuen Arraun Elkarteak lan ona egiten ari dela harrobiarekin eta orain trainerilletan Loiolan (Donostia) zein Zarautzen onenak izan dira, sailkapenean buru buruan jarri direlarik.

Emakumezko bi ontziak txukun ibili dira bi egunetan, laugarren A ontzia bi egunetan eta 5. eta 6. larunbat eta igandean B trainerilla.

Senior mailan Ligako ontzia bietan hirugarren sailkatu da eta B on-tzia, Federazio Kopan lehiatzen ari dena, 5. Loiolan eta 2. Zarautzen amaitu du. Lanak hasi besterik ez dira egin baina liga laburra izango da eta erne ibili behar estropada guztietan. Igandean, etxean.