Haurren Egun arrakastatsua

Udaletxeko batzar aretoa jendez gainezka egon zen, balkoian aginte makila hartu eta ondorengo udalbatzarra zuzenean bizitzeko. Ez ohikoa izan zen pleno aretoak erakusten zuen itxura. Haurrak eserlekuetan eta helduak atzetik bertan gertatzen zena jarraitu nahian. Erabaki ugari hartu zituzten bertan, batzuk egindako proposamenak aztertu eta onartu zituzten gaztetxoak. Aurrez, arratsaldean, Berdura Plazan tailerrak izan zituzten pilota tailerra, karetak, pintaketa, murala, koilareak, pultserak edo aurpegia margotzeko tartea izan zuten eta gauean elkarrekin afaldu ondoren karaokea eta jolasak egin zituzten, eguna borobiltzeko.