Gaur izango da Zestoako anbulatorio berriaren inaugurazio ekitaldia

Urte askotako prozesua izan dugu hau, bi alderdiek (PNV eta Bilduk babestu dutena) eta herriko hiru udal gobernuk hartu dute parte bertan. Horrela, Alazne Olaizola alkate zen garaian eskuratu zen anbulatorioa kokatu den eraikina (700.000 euroko balioa zuen lokala), gero Leire Etxeberria udal buru izan zen urteetan egin ziren proiektuak eta hartu emanak Eusko Jaurlaritzako arduradunekin eta hasi ziren anbulatorioko lanak, eta orain, Josetxo Mendizabal buru den unean izango da azkenik anbulatorio berri honen irekiera ofiziala.

'Eskura' prozesua

Gure Esku Dago herri ekimenak «Eskura» deituriko hausnarketa prozesua abiarazi du. «Herri bezala geure etorkizuna erabakitzeko eskubidearen inguruko hausnarketa izango da, beti ere, erabakitzea helburu jarrita, jarraituko beharreko bide-orria zehazteko 2 diote talde hionetatik. Horrela, Zestoan aurkezpena gaur, ostirala, arratsaldeko 19:30ean udaletxe azpian izango da. Batzordetik herritar guztiak gonbidatzen dituzte bertara agertzeko eta prozesu honetan parte hartzera.

Emakumeen Munduko Martxa

Zestoako Udalak aho batez onartu du 'Emakumeen Munduko Martxa'ren deklarazio instituzionala. Zestoako Udalean, irailaren 22an egin zen Ongizate Batzordean mahairatu zen 'Emakumeen Munduko Martxa'ren Deklarazio Instituzionala, ondoren, Udalean ordezkaritza duten bi alderdi politikoetako ordezkariak (PNV eta eh bildu) Deklarazio Instituzional honekin bat egitearen alde azaldu direlarik. Zestoako Udalaren babesa jasotzen duen Deklarazio Instituzionala Emakumeen Munduko Martxaren Europako Idazkaritzari bidaliko zaio. Emakumeen Munduko Martxa, Nazioarteko 4. Ekintza berdintasunaren alorrean, joan zen martxoaren 6an hasi zen Kurdistanen eta hilabete honetako 17an amaituko da Lisboan.