Lasterketa, dantza txapelketak eta bazkari herrikoia, besteak beste

Ondoren, 11:30ean, Lege Zaharren Enparantzan, XXVII. aurresku txapelketa iragartzen da. Parte hartuko duten zortzi dantzariak Beñat Asensio (Lezo), Ekain Susperregi (Oiartzun), Xanti Leonet (Oiartzun), Iker Sanz (Lezo), Luis Garcia (Errenteria), Beñat Salegi (Errenteria), Aimar Odriozola (Ibarra), Asier Ros (Errenteria) eta Jokin Veintemillas (Errenteria) dira.

Segidan, VIII. soinu zahar txapelketa ospatuko da. Maddi Otegi (Billabona), Izar Etxeberria (Oiartzun), Ane Urruzola (Billabona), Leire Amiano (Lezo), Nerea Azkue (Lezo), Janire Fernandez (Lezo), Maider Lizeaga (Pasai Donibane), Izar Aizpuru (Oiartzun), Izaro Urrestarazu (Ibarra), eta Nerea Videira (Oiar-tzun) parte hartuko dute bertan. Eguerdian, Musika plazan, XXXI. bazkari herrikoia egingo da, bostehun lagun inguru bilduko direlarik. Bazkari ostean, 18:00etan abiatuta, kalejira aldarrikatzailea AEK eta EHE-ak antolatuta, eta ondoren, 19:30ean Lege Zaharren Enparantzan, Binakako Dantza Txapelketa. Iker Sanz-Lierni Kamio (Lezo-Villabona), Amets Amubieta-Larraitz Larrañaga (Azpeitia), Luis Garcia-Nerea Azkue (Errenteria-Lezo), Ibai Jimenez-Iratxe Lizarburu (Zaldibia-Ibarra), Ane Zubelzu-Mapi Egues (Ibarra), Asier Ibarguren-Garazi Gurrutxaga (Azpeitia), Jon Ander Iriondo-Libe Lizaso (Azpeitia), Xabier Artola-Idoia Besada (Irura-Pasaia), eta Sergio Portillo-Patricia Espilla (Karrantza) bikoteek hartuko dute parte lehiaketa mugituenean.

Gogoratu, bestalde, txosna gunea ere zabalik dagoela atzo arratsaldetik Azken Portun, Arrona Zaharreko aparkalekuan. Gaur, besteak beste, Joxe Replay eta Guri 5! izango dira.