Diario Vasco

Hiri eta industria hondakin kudeaketa ikastaroa izango da

Lanbide Eskola. Langabeentzat kastaroak antolatu dituzte.
Lanbide Eskola. Langabeentzat kastaroak antolatu dituzte.

Udalak Lanbideren diru laguntza bati esker, datorren hilaren 28tik aurrera Hiri eta industria hondakin kudeaketa ikastaro berri bat hasiko du. Bigarren mailako profesionaltasun ziurtagiri bat da eta ondorengo atal hauek landuko dira: Hiri hondakinak eta udalerrikoak biltzea eta tratatzea; industria hondakinak biltzea eta tratatzea eta lanpostuan laneko arriskuak prebenitzeko neurriak hartzea.

270 ordutakoa izanik, abenduaren 17a bitartean garatuko da. Ondoren 120 ordutako lan praktikak egingo dira sektoreko enpresetan, profesionaltasun ziurtagiria lor-tzeko ezinbesteko baldintza dena. Atallu Industrialdeko Prestakuntza Zentroan, Zanpiura 3, Usurbilen, egingo da ikastaroa, astelehenetik ostiralera, 8:30etatik 14:00etara.

Ikastaroa, lehentasunez, langabetuei zuzenduko zaie eta ezinbestekoa izango da bigarren hezkun-tzako lehen etapa, eskola-graduatua edo honen baliokidea izatea. Izen ematea irailaren 16a bitartean egin daiteke Lanbideko bulegoetan edo http://www.lanbide.euskadi.eus webgunean.

Langabetuentzat ikastaroak

Bestalde, Usurbilgo Lanbide Eskolak ere langabetuentzat ikastaroak antolatu ditu. Ikastaro hauek Lanbidek diruz laguntzen ditu, eta horrela izanda aukera dago honakoak ikasten hasteko; eraikinetako ur-erabileraren eraginkortasuna, eguzki-instalazioen bideragarritasunari buruzko azterlanak, energiaren erabilera eraginkorra sustatzea, oinarrizko mekanizazioa, eguzki- energia termikoko instalazioak muntatzeko eta mantentzeko oinarrizko eragiketak, fabrikazio mekanikoko laguntza eragiketak, CNC fresa Heidenhain programazioa eta torno Fanuc eta Cam Gibbs programazioa eta azkenik, fabrikazio mekanikoko produktuen dokumentazio teknikoa-3D diseinua Catia.

Ikastaroak datozen hilabeteetan hasiko dira eta iraupen ezberdina izango dute. Berrogei eta laurehun orduko ikastaroak dira guztiak. Bakoitzaren inguruko informazioa eskuratzeko www.lhusurbil.eus webgunean edo 943 364 600 telefonoan egin behar da.