EH-Bildu koalizioa izan zen berriro ere zerrenda bozkatuena Aizarnazabalen

EH-Bildu koalizioa nagusitu zen igandeko bozketan herritarren gehiengoaren babesa lortu zuelarik; Mari Carmen Arregi izango da alkate berria, sei zinegotzi lortu zituelarik koalizioak; bere aldetik, EAJ taldeak lehen zuen ordezkaria mantendu du.

Aizarnazabalgo abstentzio maila asko hazi da, orain lau urte, % 21,73ekoa izan baitzen eta aurtengoa % 32,47 raino igo da, herritarren zentsua lau bizilagunetan soilik jaitsi delarik. Herri mailan, EH-Bilduk 74 bozka galdu ditu, hori Gipuzkoa mailara estrapolatu daitekeelarik. Hala eta guztiz ere, EH-Bilduko kideak oso gustura zeuden igande gauean herrian lortutako emaitza on hauekin.