50 pertsona elkartu ziren Zanpatuz Ttiki Eguna ospatzeko

Familia giroko irteera antolatu zuen Zanpatuz mendi elkarteak, Azkortetik abiatuz Buruntza aldera arte. /
Familia giroko irteera antolatu zuen Zanpatuz mendi elkarteak, Azkortetik abiatuz Buruntza aldera arte.

Urnietako mendi elkarteak urte osoan jende gehien erakartzen duen irteera antolatu zuen Buruntza aldera

MARÍA CORTÉS URNIETA.

Pasa den asteburuan Zanpatuz mendi elkarteak familia giroko irteera antolatu zuen, Buruntza mendira. Goizean elkartu ziren Azkorteko baselizan handik irteera egiteko Buruntzarantz.

Eguraldi aldakorra izan zuten, baina ateri eta, partaideek azaldu dutenez, «azken momentura arte ez genuen euri tantarik sumatu».

Denetara 30 heldu eta 30 haur izena emanda bazeuden ere, egunean bertan 50 pertsona elkartu ziren. Bi taldeetan eta iratxoen pistak jarraituz, «lortu genuen handienek buelta luzeago bat eginez eta ttikienek zuzenean, tontorra egitea». Aurtengoa laugarren edizioa izan da eta elkartetik aipatu dutenez, «eguraldi prebisio txarra izanda ere beti elkar-tzen dela jende multzo polit bat. Aurrerantzean ere espero da maiatza aldean familientzat mendi irteera hau antolatzen jarraitzea».

Contenido Patrocinado

Fotos

Vídeos