'Ongi Etorri Astigarragara' saioa egingo da bihar arratsaldean udaletxean

DV ASTIGARRAGA.

Bihar 18:30ean, Astigarragara etorri berri direnei harrera egiteko 'Ongi Etorri' saioa egingo da. Udaletxeko pleno aretoan egingo den ekitaldira azken bost hilabeteetan herrian erroldatu diren bizilagun guztiak gonbidatu ditu Udalak.

«Herriak bizi duen hazkundeari erantzun nahian jatorri aniztasuna eta elkarbizitza sustatzeko 2016an herritarrekin batera harrera protokoloa diseinatu zen. Orain berriz, martxan jar-tzeko, maiatzean egin bezala bigarren 'Ongi Etorri' saioa egingo da. Ekitaldi laburra izango da, udalbatzak, teknikariek eta herriko hainbat eragilek hitza hartuko dute; harrera gida aurkeztuko da eta luntx batekin emango saio amaiera jardunaldiari», azaldu dute Udaletik.

Gainera, ostegunean, garai ezberdinetan Astigarragara bizitzera etorritako herritarrek solasaldi bat egingo dute arratsaldeko 17:30ean, «bakoitzak esperientzia hori nola bizi izan duen elkarbanatu eta etorkizunean etorriko direnei kalitatezko harrera eskaintzeko gakoak aurki-tzea izango du helburu», adierazi dute arduradunek.

Contenido Patrocinado

Fotos

Vídeos