'Nirekin bai!' erronkaren amaierako ekitaldia gaur egingo da

'Nirekin bai!' leloarekin joan den larunbatean eman zioten hasiera aurtengo erronkari. / MARÍA
'Nirekin bai!' leloarekin joan den larunbatean eman zioten hasiera aurtengo erronkari. / MARÍA

Aurten ere astebetez euskeraz aritzeko desafioa bota zuten Astigarragan '100 da 100... berrehun ordu euskaraz!' egitasmoan

DV ASTIGARRAGA.

Gaur eguerdian '100 da 100... Berrehun orduz euskaraz, nirekin bai!' erronkari amaiera emango zaio Joseba Barandiaran plazan antolatutako ekimenean. Joan den larunbatean hasitako ekintza gaur bukatuko da. Bertan, aurtengo erronkan parte hartu duten ia 200 astigartarren argazkien muralaz gain, musika eta abestiak zuzenean entzuteko aukera, Xabier Urdangarin eta Ibon Otaegirekin, eta gaztain erreak dastatzeko aukera egongo da. Gainera, «Astigarragan 200 ordu eta hamaika egun izango dira datorren urtean Euskal Herri osoan egin nahi den ekimenaren erroka. Horren berri ere emango da gaur», azaldu dute antolatzaileek.

Gure Izarra

Urtero bezala, Gabonetako loteria jarri du salgai Gure Izarra elkarteak. Astearte, ostegun eta igandetan salduko da elkartean bertan, arratsaldeko 19:00etatik 20:00etara astearte eta ostegunetan, eta eguerdian, 12:30etik 13:30era, igandetan. Erosteko azken eguna, hilaren 19an.

'Zuk' dokumentala

Ongi Etorri Errefuxiatuak jardunaldien bigarren edizioa amaitzear da eta gaur arratsaldean ospatuko da azken ekintza, 18:30ean Kultur Etxean, 'Zuk' dokumentalaren proiekzioarekin. Gainera, Kultur Etxean bertan egongo dira Unax Blanco zuzendaria, Aitor García Agirre produktorea eta Iñigo Gutiérrez aktibista. Beraiekin hitz egiteko aukera izango dute bertaratuek, 'Zuk' dokumentalaren proiekzioaren ondoren, solaserako tartea zabalduko baitute, dokumentalean ikusitakoa komentatzeko.

Contenido Patrocinado

Fotos

Vídeos