Diario Vasco

Ttakun Kultur Elkartea 25. urteurrena ospatzen ari da hainbat ekintzarekin

Bea Egizabalek bakarrizketa umoretsua egin zuen.
Bea Egizabalek bakarrizketa umoretsua egin zuen. / TXINTXARRI
  • 25. urteurrena ospatzeko ekitaldia egin eta Ttakunenea inauguratu zuen asteazkenean

Ttakun Kultur Elkartea bere 25. urteurrena ospa-tzen ari da aste honetan. Hori dela eta, hiru ekintza antolatu ditu: ekitaldia, erakusketa eta kontzertua.

Ttakun Kultur Elkarteak 25 urte bete zituen asteazkenean, azaroaren 16an. Data berezi hori gogora-tzeko, ekitaldi bat antolatu zuen Ttakunenea lokalean eta lokal honen irekiera ofiziala egiteko ere aprobetxatu zuen elkarteak.

Txalaparta doinuekin hasi zen ekitaldia. Ondoren, Tomas Arrizabalaga Ttakuneko lehendakariak hi-tzaldi labur bat egin zuen, 25 urte hauetan Ttakun posible egin duen guztiari eskerrak emanez.

Ondoren, Bea Egizabalen lagun-tzarekin, Ttakunenearen irekiera ofiziala izan zen zinta mozketa berezia eginez.

Bea Egizabal Ttakunek 25 urte hauetako proiektuei jardun zen jarraian, baita urtean zehar antolatzen dituen ekintzei buruz ere. Umorez betetako bakarrizketak ikusleen algarak sortu zituen.

Azkenik, luntx goxo bat dastatu zen, Ttakuneneako lantaldeak prestatua, Mikel Zuaznabar sukaldaria buru zutela.

Baina ospakizunak ez dira amaitu. Larunbatean, azaroak 19an, arratsaldeko 20:00etan, Jalgi Kafe Antzokian, Bi Zaldi talde zaldibitarrak kontzertua eskainiko du, eta tabernan bertan, aste zehar, Ttakunen 25 urte hauek laburbiltzen dituen erakusketa egongo da ikusgai.

Recibe nuestras newsletters en tu email

Apúntate