Diario Vasco

Hemen da Euskararen 9. Maratoia

Oholtzaren gainetik ia herriko elkarte gehienak pasako dira.
Oholtzaren gainetik ia herriko elkarte gehienak pasako dira. / TXEMA
  • Asteburu honetan Okendo Plazan egingo diren ekitaldi guztietan umorea izango da nagusi

Zortzikotea osa-tzen duten herriko kideen aginduetara, Lasarte-Oriako ia elkarte gehienek hartuko dute parte gaur eta bihar ospatuko den Euskararen Bederatzigarren Maratoian.

Programazioaren ardura dutenen oso gertuko lagunengandik jakin izan dugu, gure herria munduko hizkuntzen eta kulturaren hiriburu izendatua izan daitekeela, eta beraz, hainbat herrialdetako kideak izan ditzakegula herrian. Horrek turismoan izango duen eragina ez omen da txantxetakoa izango. Hori dela-eta, ekitaldi garrantzitsu bat egingo da gaur, larunbat eguerdian, eta jarraian, bertaratuko diren lurraldeetako ordezkari guztiekin nazioarteko bazkariaz gozatzeko aukera izango da. Aldez aurretik, eta goizean zehar herriko ikastetxeetako ikasleen emanaldiak ikusi eta entzun ahal izango dira, 'Olinpidadak' gaiaren inguruan. Ondoren, nahi duten haurrek ere, eurentzat bereziki prestatutako bazkarian parte hartu ahal izango dute.

Jai giroan ere banatuko dira igande gauean 'Eusko-Oskarrak', nahiz eta oraindik ezin izan dugun jakin zehatz-mehatz zeintzuk izango diren banatuko diren sariak, eta ez eta nortzuk izango diren sarituak. Beraz, igande gaua ahaztezina izango dela ziurta dezakegu. Eta ez da ho-tzagoa izango gaurko gaua ere. 'Sorgin gaua' izenpean biziko den gau luzean egingo den Akelarrera gonbidatuta zaudete denak. Aurreko edizioetan ikusitakoaren arabera, ez dugu pentsatu ere egin nahi zer den oholtzaren gainean ikusi ahal izango duguna.

Lau otordu izango dira maratoian zehar, eta horietarako txartelak salgai daude Jalgi tabernan eta baita Ttakuneko bulegoetan ere.

Jai eta algaraz gain, gaur goizean zabalduko da Lasarte-Oriako Toponimiari buruz egindako ikerketa jasotzen duen Erakusketa. Lan hori Ikermap enpresak egina da Udalaren aginduz, eta Mercero eraskusgelan izango da ikusgai Maratoiak irauten duen bitartean, baina baita datorren astean ere, igandera arte.

Hau da gaurko, larunbata, Maratoiaren Antolakuntzak prestatu duen egitaraua:

8.15: Hasiera ekitaldia Okendo plazan. 8.45: Diana herriko kaleetan. 9.20: Lasarte-Oriako toponimiaren erakusketaren aurkezpena. 9.30: Adinekoen gimnastika eta abesbatza. 9.45: Txokolate jana eta «Zein infusio komeni zaizu zuri?». 10.10: Haurren olinpiadak: ikastetxeetako emanaldiak. 13.30: Haurren bazkari olinpikoa eta bazkalostea!! 13.30: Bonberoak liztor asiatikoekin aurrez aurre!! 14.30: Bazkaria: Munduko kultur hiriburutzara datozen nazioarteko ordezkariak. 16.15: Rezibatukada.16.35: Musika-eskolaren emanaldia. 17.05: Pirritx, Porrotx eta Marimotots pailazoak herriko elkarteekin. 18.01: Jalgune, Burunzpe eta Landaberri guraso-elkarteak oholtzan! 18.30: Zunbatoia. 19.15: Aldazan/k. Aldatzekorik bai? 19.35: Baietz 2 buelta Benedikara ordubetean, bizikletaz! 19.45: Gazteen ginkana mundiala. 20.10: Jantzi tradizionalen desfilea. 20.30: Dinbi banda. 21.00: Sorgin dantza 21.30: Sorgin Afaria. 22.30: Sorgin gaua eta gau sorgindua...

Recibe nuestras newsletters en tu email

Apúntate