Diario Vasco

Dena prest dago bihar goizean Euskararen 9. Maratoia Okendo plazan hasteko

Maratoiaren ekintzak jasoko dituen karpa erroldoia jartzeko lanak bukatzen Okendo plazan.
Maratoiaren ekintzak jasoko dituen karpa erroldoia jartzeko lanak bukatzen Okendo plazan. / TXEMA
  • 40 orduetarako egitarau oparoa prest dago eta 40 eguneko erronkari hasiera emango zaio igande iluntzean

Zortzikoteak bere azken entsegua egin du eta 40 orduetako bete-beteko egitaraua prest daukate. Bihar goizeko 8:00etan emango zaio hasiera udaletxe zaharreko arkupean, aurreko edizio guztietan bezala.

40 ordu irauten duen etenik gabeko jarduna orrialde honetan laburtu ezina bada ere, ondoren jasotzen dugu antolakuntzatik bidali diguten programa laburtua.

Belarriprest txapa jaso!

Belarriprest edota Ahobizi izena eman duten guztiek, 1.300dik gora antolakuntzatik esan zaigunez, Okendon jarrita egongo den informazio-gunetik pasa beharko dute asteburuan Belarriprest txapa jasotzera. Informazio-gunearen ordutegia hau izango da: larunbatean 9:00etatik 13:30era eta 15:30etik 00:30era; eta igandean 10:00etatik 13:00etara eta 15:30etik 00:00era.

Horretaz gain, Ahobizi direnek Ahobiziaren txapa ere jaso beharko dute, baina hori bakoitzari izendatutako astean izango da, horretarako propio ostiral bakoitzean antolatu diren lekuko aldaketarako saioetan. Izena eman duen bakoitzari dagokion mezua edo telefono deia iritsi zaio antolakuntzatik, eman beharreko urratsaz informatzeko.

Izena eman gabe dauden eta emateko intentzioa duten guztiak, ordea, asteburuan izango dute azken aukera. Izan ere, aipatutako informazio-gunean eta ordutegi berean, Okendo plazan bertan, izena emateko aukera izango da. Igandean, arratsaldeko 19:40etan dago aurreikusia 'Baietz 40 egun, euskaraz!' erronkari hasiera emango dion ekitaldia

Egitaraua

Larunbata: 8:15: Hasiera ekitaldia Okendo plazan

8:45: Diana herriko kaleetan.

9:20: Lasarte-Oriako toponimiaren erakusketaren aurkezpena.

9:30: Adinekoen gimnastika eta abesbatza.

9:45: Txokolate jana eta «Zein infusio komeni zaizu zuri?».

10:10: Haurren olinpiadak: ikastetxeetako emanaldiak

13:30: Haurren bazkari olinpikoa eta bazkalostea!!

13:30: Bonberoak liztor asiatikoekin aurrez aurre!!

14:30: Bazkaria: Munduko kultur hiriburutzara datozen nazioarteko ordezkariak.

16:15: Rezibatukada.16:35: Musika-eskolaren emanaldia. 17:05: Pirritx, Porrotx eta Marimotots pailazoak herriko elkarteekin.

18:01: Jalgune, Burunzpe eta Landaberri guraso-elkarteak oholtzan!

18:30: Zunbatoia.

19:15: Aldazan/k. Aldatzekorik bai?

19:35: Baietz 2 buelta Benedikara ordubetean, bizikletaz!

19:45: Gazteen ginkana mundiala. 20:10: Jantzi tradizionalen desfilea. 20:30: Dinbi banda.

21:00: Sorgin dantza erraldoia.

21:30: Sorgin Afaria. 22:30: Sorgin gaua eta gau sorgindua... Zatoz Alkelarrera!

Igandea: 1:05:Ero Komeri.

2:30:Karaoke sorgindua.

4:00:DJa: Zigor Lanpre.

8:05: Gosaria, salda badago!

8:20: Diana. 8:40: Buruntzaldeko ibilbideen hasiera.

9:15: Txekorra erretzen eta erre behar ez diren babarrunen lehiaketa hastera doa.

9:25: Gosari anitza eta Diafreoa.

10:20: Eskulanen tailerra.

10:30: Ttirriki ttarrakaren erromeria. 11:05: Famili-kantujira Xumela eta Albokarekin.

11:20: Ipar martxaren sinkroa.

12:15: Telleriatarrak harria jasotzen.

14:30: Bazkaria. Babarrun jana.

15:05: Bazkaloste ai!-ze-tsunamia! 16:45: Oaintxe in deu txaranga eta buruhandiak.

17:15: Lau urte hauetan jaiotako haurrei ongi etorria!

18:15: Txulalai erraldoia, plaza-dantza eta muxikoak.

19:45: Baietz 40 egun euskaraz! 1. asteko Ahobiziak!

21:00: Txekor Afaria.

21:25: Acroyoga saioa eta Suberriren emanaldia.

21:45: EuskOskarren gaua!!!

22:45: Alboka, Erketz eta Zero Setteren emanaldia.

23:35: Amaierako ekitaldia.

Recibe nuestras newsletters en tu email

Apúntate