Udalak hilerriko erroldaren eguneratze lanak hasi ditu

Hilobiratze unitate bakoitzeko ordezkari bat izendatu eta emakidaren iraungitze data 99 urteetara jarriko da

MARÍA CORTÉS HERNANI.

Hernaniko Udalak hilerriko errolda xahutzeko lanak hasi ditu. Udalaren helburua, hilerriko errolda eguneratzea da. Egun daukan erroldaren arabera, emakiden baitan dauden jabetzak ez dira batere errealak eta ondorioz, transmisioak eguneratu eta hilobiratze unitate bakoitzarengatik ordezkari bat izendatzea da abian jarriko den prozesu honen muina.

2012an onartu zen hilerriari dagokion araudi berria. Bertan, kapitulu desberdinen baitan lurpera-tze eskubideen izaera eta eduki orokorrak, bere iraunaldia, aldatzea eta eskualdatzea, obrak eta konponketak eta beste hainbat gai azaltzen dira. Abian jarriko duen errolda eguneratzeko prozesuan, Udalak araudi horretan aipatzen diren bi gaiei garrantzi berezia emango die. «Alde batetik, hilobiratze unitate bakoi-tzeko ordezkari bat izendatzeari eta bestetik, emakiden iraungitze datari», azaldu dute arduradunek.

Ordezkaria izendatzeari dagokionez, emakida bakoitzaren jabeek ordezkari bat izendatu beharko dute. Izendapen hori egiten ez bada, Udalak izendatuko du ordezkaria araudiaren 30. artikuluaren arabera.

Emakidaren iraungitze datari dagokionez berriz, Hernaniko Udalak hilerriari dagokionez izan dituen araudi desberdinen baitan, iraungitze data desberdinak daude irizpide desberdinekin. «Emakida batzuk, 99 urteetarako eman ziren bere hastapenetik, beste batzuk 75 urteetarako eta azkenik, 50 urteetarako beste 49 urteko luzapenarekin emakidaren jabeak eskatu ez gero», azaldu dute Udaletik. Horregatik, epe guzti hauek erregularizatzeko, «denei legez eman daitekeen urte kopuru gehiena luza-tzea emakida, hau da, denei 99 urteetara luzatzea, bakoitzak daukan kontzesio data kontutan hartuta noski».

Errolda eguneratzeko prozesu honetan, interesatuek bere espedientea ikusteko aukera izango dute. Helburua, «egin beharreko transmisio guztiak egitea da, eta horretarako, fase honetan hiru hilabeteetako epea ematen da, nahi diren alegazioak egin, dokumentazioa aurkeztu edo aldaketak proposatzeko eta ordezkariak izenda-tzeko». Espedienteak kontsulta-tzeko, HHZ bulegoetan egongo dira (8:00tatik 14:00etara). Hilabete horiek pasa ondoren, eta Udalaren aldetik alegazio guztiak erantzun eta egin beharreko aldaketak egin ondoren, errolda berritua onartuko litzateke.

Azkenik aipatu, Udalaren aldetik, «prozesu honen baitan, fase honek irauten dituen 3 hilabete hauetan egiten diren transmisioak ez direla kobratuko. Eta lehen fase hau bukatuta, indarrean dagoen ordenantza fiskalari helduko zaio».

Contenido Patrocinado

Fotos

Vídeos