Maialen traineruko neskak, seigarren, Hernaniko Bandera-Iparragirre Sarian

Loiolako Erribera pasealekuan egon zen jokoan Emakumeen I. Hernaniko Bandera-I. Iparragirre Saria duela egun batzuk. Gipuzkoako Traineru Ligako jardunaldia izan zen, eta Hibaika izan zen irabazlea. Hernani seigarren postuan geratu zen, txapeldunetik 21 segundora eta bosgarren sailkatuzen Deustuko trainerutik ehuneko gutxi batzuetara.

Xabier Zabala, hernaniarren entrenatzailearen hitzetan «Mikel Laboa pasabidea lepo, bere garaian Elorrabiko zubia egoten zen moduan zegoen. Giro ederra. Maialenek, 20 urte betetzeko dituzten 10 arraularirekin (tartean, 6 jubenil), estropada ederra bete zuen, oso harro gaude».

Bestetik, Ligako azken jardunaldia igandean, abuztuak 27, izango da, hori ere Donostian, hamar traineruen partaidetzarekin.