Hilekoaren inguruko tailerra, ostiralean, Plaza Feministan

HERNANI.

Urte berriko Jabetze Eskoletako ikastaro eta saio batzuk hasi dira, dagoeneko, baina oraindik badago beste batzuetan parte hartzeko aukera, hastear diren beste batzuetan ahalegia, ostiralekoa adibidez, 'Ziklikoki bizitzen: hilekoaren inguruko tailerra' izena duena.

Antolatzaileen hitzetan «hutsune handia dago emakumezkoen gorputzen jakintzaren inguruan eta baita hilekoaren inguruan ere. Tabua, lotsa, beldurra, mina, etab. dira hilekoarekin lotzen diren hainbat kontzeptu. Aldiz, ez diogu nahiko arreta jartzen gure gorputzak bizi-tzen dituen aldaketei. Fase desberdin bakoitzean hormonen dantza daukagu eta, ondorioz, behar eta desio desberdinak dauzkagula jakitea garrantzitsua da hilekoa dugun gorputzentzat; hilekoa odola baino gehiago baita».

Tailer honetan, hilekoaren ziklo osoa eta haren faseak azalduko dira, norberaren auto behaketatik eta bizipenetatik hasita. Hizlaria Enara Iruretagoiena izango da eta tailerra ostiralean izango da, hilak 23, 17:30etatik 19:30etara, plaza Feministan, doan.

Contenido Patrocinado

Fotos

Vídeos