Adineko pertsonen kontseilu bat sortzearen inguruan arituko dira Plenoan

HERNANI.

Pleno eguna da gaurkoa eta arratsaldeko 19:00etan hasiko da. Hainbat gai landuko dira udaletxeko bigarren solairuko aretoan, besteak beste, adineko pertsonen kontseilua sortzeari buruzko mozioa aurkeztuko da. Mozioekin jarraituz, azaroaren 25eko egunaren inguruan bi mozio entzungo dira, EAJ-PNV-rena eta Koordinadora feministarena.

Bestalde, urrian emandako dekretuen (1639-1775zk dunak) berri emango dute eta 2017 Aurrekontuaren exekuzioari buruzko informazioa ere bai. Gainera, Aurrekontuaren kreditu aldaketen inguruan arituko dira. Kontu-hartzailearen txostenaren berri emango da, hain zuzen, komunikazioa, aurrekontu egonkortasunaren eta finantza iraunkortasunaren helburuak betetzeari buruzkoa. Bestalde, Hernani Erabaki prozesuaren berri emateaz gain, ezkontza zibilak egiteko zerbitzu publikoa eta aretoren baten erabilera arautzen duen ordenantzan hilean egun bat gehitzea edo ez bozkatukoda. 'Euskara ari du' elkarteak, 2018rako egitasmoa eta hitzarmen proposamena mahai gainean jarriko du.

Contenido Patrocinado

Fotos

Vídeos