Diario Vasco

Hernani Kuttuna argazki-lehiaketaren erakusketa egun hauetan Biterin

  • Epaimahiak 13 aukeratu ditu hurrengo urteko egutegian txertatzeko eta abenduaren 12an hasiko da banatzen

Hernani Kuttuna argazki-lehiaketa antolatu du Udalak urtero argitaratzen duen egutegia herritarrengana zabaltzeko asmoz. Herrian argazkigintzan zaletasun handia dagoela jabetuta, herritar orok herriko txoko edo une kuttuna iruditan islatu eta lehiaketan parte hartzeko aukera izatea izan da ekimenaren helburua. Herritarren lanek ahalik eta zabalkunderik handiena izan dezaten, aurten egutegiaren 6.000 ale argitaratuko ditu Udalak. Horretaz gain, Biteri kultur etxean erakusgai daude aukeratutako argazkiak.

45 argazki

Guztira, 45 argazki eta azalpen aurkeztu dira lehiaketara. Horietatik, epaimahaiak puntuaziorik handiena izan duten 13ak aukeratu ditu egutegia osatzeko. Hilabete bakoitzean argazki bat joango da eta, azalean, beste bat. Abenduaren 12tik aurrera hasiko da egutegia banatzen. Egun horretan, 18:00etan, egutegiaren aurkezpena egingo dute udal ordezkariek lehiaketa irabazi duten argazkien egileekin batera.

Recibe nuestras newsletters en tu email

Apúntate