Diario Vasco

Ohezko Erregional taldeak Fanderian jokatuko du

Joan den asteburuan Aretxabaletari 1-0 irabazi eta gero, mutilen lehen taldeak Errenteriako Touring taldeari egingo dio bisita, gaur 16:30ean Fanderian. Talde hernaniarrak Zubipen oso indartsua dela erakutsi du, bere zaleen aurrean jokatzea gustatzen zaiola eta edozein talde garaitzeko gaitasuna duela. Baina Alain Gerekaetxeberriaren mutilek orain benetan aurrerapausoa eman nahi dute, eta horretarako kanpoko partidak irabazten hasi behar dutela badakite.

Touring talde gogorra izango dute aurrean, bere etxean indar-tsua den taldea. Fanderia zelaiak gainera asko estutzen du kanpoko taldea, beraz, froga gogorra da gaurkoa Hernaniko talde gaztearentzat.

Aretxabaletaren kontrako partiduan, emaitzaz gain, Xabier Jauregi erdiko atzelari gazteak hamaikakoan egindako debuta eta partida ona aipatzekoa izan zen. Unai Elizaldek min hartuta jarraitzen du, eta orain arte Ander Egaña zen Aritz Lujanbio kapitainarekin erdiko atzealari lanak egiten zituena, baina, Aretxabaletaren aurkako partidan Jauregik jokatu zuen eta txukun bete zuen bere papera. Beraz, entrenatzaileak beste aukera baliagarri bat du postu horretan ere.

Emakumeak

Emakumezkoen lehen taldeak garaipena lortu zuen Barakaldoren aurkako partida garrantzitsuan. Nahiz eta oraindik asko geratzen den, puntuak pilatzen jarraitzen dute, maila mantentzeko helburuarekin jarraitzeko.

Gaur, 18:00etatik aurrera, Elorrio talde indartsuarekin neurtuko dituzte indarrak Gorka Alvarezen neskek. Sailkapenaren goikaldean kokatuta dagoen taldea da, beraz punturen bat lortzeko nahiarekin aterako dira bizkaitarren aurkako partidara.

Recibe nuestras newsletters en tu email

Apúntate