Diario Vasco

Antiguokoren aurka Liga Nazionalean Zubipen

Azken jardunaldian Igartza bezalako zelai zail batean berdinketa lortu eta gero, jubenilen Liga Nazionaleko taldeak Antiguoko taldearen aurka neurtuko ditu indarrak gaur, arratsaldeko 16:30etik aurrera, kategoriako partidu klasiko batean.

Jordi Telletxearen mutilak denboraldi hasiera polita burutzen ari dira; igoera postuetan daude, sailkapenaren hirugarren tokian, 18 punturekin, baina, garrantzitsuena transmititzen duten talde serio eta indartsuaren sentsazioa da. Jokalari guztiek dute protagonismoa, batek jokatzen ez badu besteak egiten du eta taldeak ez du aldaketarik nabaritzen. Esaterako, azken asteetan Manex Iradi kapitaina min hartuta egon da, eta taldeak erantzuten jakin du. Jagoba Erdozia, Jon Ander Agirrezabala, Ibai Hernani eta Luis Galardi bezalako jokalari hernaniarrak taldearen bizkarrezurra dira eta gauzak zail jartzen direnean ez dute hutsik egiten. Gainera, Angel aurrelaria golak egiten ari da eta taldeak puntuak atera eta atera jarraitzen du. Nahiz eta Jon Loran jubenilen koordinatzaileak taldearen helburua «maila mantentzea» dela esaten duen, ez dirudi horretara bakarrik mugatuko denik talde hau.

Aurrean Antiguoko taldea izango dute. Urtero bezala, talde donostiarra jokalari gazteek osatuta egongo da eta denboraldi hasiera ona egiten ari dira, nahiz eta partidu batzuk galdu dituzten, guztiak talde indartsuen aurkakoak izan dira. Antiguotarrek CD Hernanik baino bost puntu gutxiago besterik ez dituzte eta sailkapenaren zazpigarren postuan aurki- tzen dira.

Recibe nuestras newsletters en tu email

Apúntate