Diario Vasco

'Eutsi euskarari' txanda aldaketa, bihar

'Eutsi Euskarari' egitasmoa lehen astean da. Aste betez, soilik euskaraz jarduteko konpromisoa hartu duten elkarte eta herritarren txanda aldaketa, bihar, arratsaldeko 18:00etan egingo da Biterin.

Hainbat hernaniar eta bertako elkartek eguneroko harremanetan euskara erabiltzeko erabakia hartu dute, txandaka azaroaren 26ra arte. Aste beteko konpromisoa, hainbat elkartek taldean eta beste hainbat herritarrek banaka, zazpi egun horietan soilik euskaraz jarduteko. Txapa jantzi eta ahal duten aukera eta une guztietan euskaraz arituko dira.

Sei aste iraungo duen egitasmoaren lehen zazpi egunotan euskarari eutsi diotenen artean denetarik da. Banaka ari diren batzuekin batera, Pilota elkartea; Hernaniko palistak; Bertso eskola; Kanika taldea; Kaxkardi kirol elkartea; Urbieta kopiak dendako langileak eta Plaza Berriko koadrila bat dira ekimenean parte hartu dutenak. Datorren astean lekukoa pasatuko diete beste elkarte eta herritar batzuei. Bigarren astean eutsiko diotenak, Inmakulada ikastetxeko gurasoak eta irakasleak; Udaleko EH Bildu taldea; CDH Futbol elkartea; Hernanin Zero Zabor Elkartea; Urumea bailarako koadrila; gazte koadrila; Irrixola aisialdi elkartea eta banakako batzuk dira. 'Euskara ari du Hernanin' ekimenak bultzatu du 'Eutsi Euskarari' saiakera.

Recibe nuestras newsletters en tu email

Apúntate