Diario Vasco

Jardueraz beteta datoz Txantxilla auzoko jaiak gaur eta bihar

Aurten ere sagardoa dastatzeko aukera egongo da Txantxillan.
Aurten ere sagardoa dastatzeko aukera egongo da Txantxillan. / JUANFER
  • Arratsaldean puzgarriak plazan jarriko dira eta festei hasiera emango zaie elektrotxaranga eta pintxo potearekin

Asteburu honetan Txantxilla auzoko jaiak izango dira. Jarduera asko antolatuko dira eta, urtero bezala, giro paregabea bizi izango da Hernaniko erdiguneko auzoan. Dena prest dago eta gaur arratsaldean hasiko dira jaiak.

Jaien hasiera arratsaldeko 20:00etan izango da, arima bihurriaren igoerarekin, Eonian elektrotxarangak lagunduta. Gero pintxo potea egongo da, Jai Batzordearen barran eta Txantxilla kafetegian. Dena den, hasiera eman baina lehen, haurrek aukera izango dute gozatzeko. 18:00etatik 19:30etara puzgarriak kokatuko dituzte Txantxillako plazan.

Bihar izango da egun nagusia jaietan. Hasteko, 10:00etan diana en-tzungo da kalean, Hernani Musika Eskolako txistulariekin. 15 minutu beranduago haurren krosa jokatuko da eta 10:30ean Txantxilla-Sta Barbara-Txantxilla IV. Krosa (ermitaraino) hasiko da. Gero eta kirolari gehiagok hartzen du parte.

Goizeko 11:00etan haur jolasak izango dira protagonistak eta 12:00etan sagardo dastaketa (Alberro, Rufino, Otsua-enea, Eula, Bereziartua, Barkaiztegi, Lizeaga, Elutxeta, Oialume-zar, Gurutzeta eta Altzueta) eta pintxoak egongo dira plazan.

Momentu hunkigarria biziko da 12:30ean. Txupinazoa eta omenaldia antolatuko da, 'Santa Barbara' suziri berezia jaurtiko da. Ondoren, bertsolariek abestuko dute.

14:30ean bazkari herrikoia hasiko da eta arratsaldeko 17:00etan toka txapelketa berezia (haurrena lehenik eta helduena ondoren) antolatuko da Txantxillan. 17:00etan Apaxi ipuin kontalaria izango da auzoan eta ordubete beranduago txokolatada eskainiko da, Txantxilla Kafetegiak egina. 19:00etan Arimen kalejira Hernaniko dultzaina taldekoekin hasiko da eta 20:00etan erromeria Gozo-Gozo musika taldearekin. Festen amaiera 23:45etan izango da.

Recibe nuestras newsletters en tu email

Apúntate