Diario Vasco

Euskara ari du egitasmoaren hasiera ekitaldia larunbatean izango da

  • Plaza Berrian hasiko da 13:00etan eta lau txokotan ibiliko dira partaideak testuak irakurtzen eta musika jotzen

Plaza Berrian egingo den ekitaldi batekin emango zaio hasiera Euskara ari du egitasmoari. Larunbatean izango da 13:00etan Plaza Berritik abiatuta. Gero kale buelta bat egingo da Kaxkoan zehar.

Kaxkoko lau txokotan musikariak arituko dira jotzen eta lau txoko horietan geldialdiak egingo dira. Hauek dira lau txoko horiek: Guria tabernaren aurreko aldea, Ezkiaga pasealekua, Andre kale eta Karkaba arteko txokoa eta Kixkal eta Garin tabernen arteko izkina.

Geldialdi horietako bakoitzean testu labur bat irakurriko dute antolatzaile eta partehartzaileek eta pieza bat joko dute bertan dauden musikariek.

Musika eskolako musikariak izango dira parte hartuko dutenak, izan txistulari, trikitilari, saxofoijole edota bandakoak. Plaza Berrian amaituko da, arratsaldeko 14:00etan, ekitaldi labur batekin. Herritar guztiak daude gonbidatuta kale bueltan parte hartzera.

300 lagun

Dagoeneko 300 lagunetik gora daude izena emanda Euskara ari du egitasmoan parte hartzeko: elkarteak, norbanakoak, ordezkari politikoak, koadrillak...

Astebeteko konpromisoak hartu dituzte. Konpromisoa da aste horretan euskaraz aritzea ahalik eta leku gehienetan eta jende gehienarekin. Sei astez iraungo du ekimenak: urriaren 15etik azaroaren 26ra.

Lehenenengo aste honetarako konpromisoa hartu dutenak dira Pilota elkartekoak, Hernaniko palistak, Bertso eskola, Kanika taldea, Kaxkardi kirol elkartea eta 10 laguneko koadrilla bat.

Konpromisoak hartzeko aukera zabalik dago eta ekimena martxan dagoen bitartean har daitezke. Astea aukeratu eta izena eman. Izena emateko bide bat baino gehiago erabili daiteke: dobera@dobera.eus; AEKn (943 557801 telefonoa); euskaraaridu@gmail.com; euskaraariduhernanin@gmail.com; eskoletan, Institutuan edota Karmelo Labakan.

Recibe nuestras newsletters en tu email

Apúntate