Diario Vasco

Protokoloa babesgabezia dauden adingabeei laguntzeko

Amaia Urzelai eta Xabier Lertxundi sinaduran.
Amaia Urzelai eta Xabier Lertxundi sinaduran.

Hernaniko Udaleko Zerbitzu Sozialek eta Hernani Institutuak protokoloa osatu dute babesgabezia egoeran egon daitezkeen adingabeei eta familiei laguntza emateko. Protokolo hau bi erakundeak urteetan egiten ari diren elkarlanetik abiatu da eta adingabeei eta familiei erarik egokienean laguntzeko modua bilatzen du. Bi erakundeetatik argi daukatena da adingabeen eta euren familien ongizatea dela lehentasuna.

Pasa den ikasturtean protokoloa osatzeko lan taldea eratu zen bi erakundeetako profesionalek osatua. Bertan, ordura arte egindako lanaren azterketa egin eta aurrera begirako pausoak ezarri ziren. Protokoloan zehazten dira zein modutan koordinatuko diren bi erakundeak eta protokoloaren jarraipena egiteko lan talde bat izendatu dute Institutuko eta Zerbitzu Sozialetako profesional desberdinek osatua.

Protokoloarekin batera, Xabier Lertxundi Asteasuinzarra Hernaniko Udaleko Zerbitzu Sozialetako presidenteak eta Amaia Urzelai Azkune BHIko zuzendariak hitzarmena sinatu zuten atzo. Horri esker Udalak gaian formazio espezifikoa eskainiko die Institutuko irakasle guztiei datorren astetik aurrera.

Bi erakundeetako ordezkarien arabera, beharrezkoa da adingabeen eta familien inguruan lan egiten ari garen erakundeak elkarlanean aritzea, askoz ere emaitza hobeak lortzen direlako. Bi aldeak pozik azaldu dira egindako lanarekin.

Udala, babesgabezia egoeran egon daitezkeen adingabeei eta familiei laguntza integrala emateko hernaniko beste ikastetxeekin ere lanean ari da. Lehengo urtean ikastaro bera eman zitzaien haur eta lehen hezkuntzako irakasleei eta aurrerantzean gainontzeko ikastetxeekin ere, protokoloa osatu nahi du Udalak.