Diario Vasco

EH Bilduk kanpaina festa hasiera antolatu du Tilosetan, 20:00etan

Hernaniko EH Bilduk kanpaina hasiera festa egingo du gaur bertan, Tilosetan, 20:00etan hasita. Zuzeneko musika, laburmetraiak, Bilboko Areatzarekin konexioa, mokauak eta tragoak izango dira kanpaina indar eta gogoz hasteko antolatutako ekitaldian. Ondoren, gaueko 00:00etan, kartel pegadarekin ekingo zaio kanpainari.

EH Bilduk Bilboko arenalean hasiko du kanpaina eta Tilosetan bertako berri izango dute zuzenean, Arnaldo Otegiren kasuaren azken berriak ere orduan izan daitezke.

Bestalde, irailaren 14ean herriko ekitaldi nagusia izango da, mitina, 19:30ean Plaza Berrian. 15ean, gazteekin elkartuko da Mikel Urdangarin. Gazteen arazo eta kezkei aurre egiteko EH Bilduk duen eskaintza azalduko du Urdangarinek.