Hasi dira Goizuetako Amabirjin jaiak!

Herriko gaztetxoek piztu zuten aurtengo jaiei hasiera eman zien txupinazoa. Jende ugari hurbildu zen plazara. Txaranga kalejiran atera zen. / ARGAZKIAK FELIX LOIARTE
Herriko gaztetxoek piztu zuten aurtengo jaiei hasiera eman zien txupinazoa. Jende ugari hurbildu zen plazara. Txaranga kalejiran atera zen. / ARGAZKIAK FELIX LOIARTE

Herriko gaztetxoek piztu zuten jaiei hasiera eman zien txupinazoa eta herriko gazteen arteko desafioa egon zen. Gaur, egun handia dute bertan

E. ARRAIAGO GOIZUETA.

Atzo hasi ziren Goizuetako festak. Ekitaldiz beteriko eguna izan zen Amabirjin egunaren bezperan. Goizean goizuetarrak chef lanetan aritu ziren plazan, txupinazoaren aurretik. Aurtengo, herriko gaztetxoenek piztu zuten txupinazoa eta udaletxeko balkonatik pregoia irakurri zuten plazan bildutako guraso, lagun eta herritarren aurrean.

Ondoren, erraldoi eta buruhandiak Igandea txarangarekin. Gazteen eguna izanik, txosnen irekiera egin zen eta Gazte bazkaria Ikastolan. Ondoren, Musik Challenge.

Arratsaldean, herriko 10 gazteak, bi taldetan banatuta koxkorrak, trontzan hiru korte, zakua bizkarrean hartuta bi buelta eta aizkoran bi korte, 45 ontzako egurrean neurtu ziren. Giro ezin hobea egon pilotalekuan bildutako lagunek gogotik animatu baitzituzten herriko gazteak.

Umore Ona peñaren irteera Ikastolatik txarangarekin burutu zen ondoren.Gazte txupinazoa Gaztetxean eta Goittikiren aldeko bingoa Ikastolan izan ziren gero. Gauean berriz, Kalera eta Zakill taldeen kontzertuak egon ziren gaztetxean eta Laiotz taldearekin dantzaldia plazan. Goizaldera arte, Igandea txaranga ibili zen herrian barna.

Gaur, egun handia

Aurtengo jaietako egun handiaren lehen hitzordua dultzaineroek eskainiko duten diana da. Gero, entzierroa Lasturko zezenekin izango da. Goizeko 10:30ean berriz, Meza nagusia eta ohiko prozesioa burutuko da. Eguerdian erraldoiak eta buruhandiak aterako dira. Pilota partidak, Igandea txaranga izango dira. Arratsaldean berriz, 18:30ean hasita, Bertso saioa Sustrai Colina, Maialen Lujanbio, Eneko Lazkoz eta Iker Zubeldia bertsolariekin. Ondoren, Igandea txaranga aterako da eta Goittikiren aldeko bingoa Ikastolan. 21:30ean berriz, Dj Mikeltxirekin dantzaldia iragarri dute Ikastolan. 21:45ean, Herri afaria Umore Ona elkartean eta 00:30ean, kalejira Igandea txaranga.

Temas

Jaiak

Fotos

Vídeos